Mah-e-Ramzan Bus Alvida Hai

ALVIDA ALVIDA ALVIDA Hai
Mah-e-Ramzan Bus Alvida Hai

ALVIDA ALVIDA ALVIDA Hai
Mah-e-Ramzan Bus Alvida Hai

Din Teray Anay Say Muotbar Thay
Noor Main Dobay Sham-o-Sehar Thy
Teray Janey Say Dil Rooh Raha Hai
Mah-e-Ramzan Bus Alvida Hai

Sehar-o-Iftar Kiraat Tarawee
Aur Azanain Namain-o-Tasbee
Yeh Sama Noori Tuj Sy Mila Hai
Mah-e-Ramzan Bus Alvida Hai

Rehmaton Ka Tu Paigham Laya
Barkaton Ka Tu Inaam Laya
Rutba Alla-o-Afzal Tera Hai
Mah-e-Ramzan Bus Alvida Hai

Jaam Rehmat Ky Tu Ny Pilayay
Gul Muradoon Ky Tu Ny Khilayay
Tu Juda Hum Sy Ab Ho Raha Hai
Mah-e-Ramzan Bus Alvida Hai

Hum Ko Dekh Tu Payay Ga Tub Tak
Ghar Rahay Zinda Aglay Baras Tak
Phir Milain Gy Jo Hukam-e-Khuda Hai
Mah-e-Ramzan Bus Alvida Hai

Chal Dia Hai Tu Jo Rab Ki Janib
Ahl-e-Iman Ky Purnam Hai Qalib
Qalb-e-Ishrat Bi Gham Sy Barah Hai
Mah-e-Ramzan Bus Alvida Hai